Воскресная проповедь в Покровском Хотькове монастыре. 02.08.2026
ВОСКРЕСНАЯ ПРОПОВЕДЬ В ПОКРОВСКОМ ХОТЬКОВЕ МОНАСТЫРЕ
2 августа 2026 года
(слушайте по ссылке)
Христос, идущий по водам. Амедей Варин (Википедия)
ЕВАНГЕЛИЕ ОТ МАТФЕЯ (Мф. 14, 22-34)
Во вре́мя о́но, пону́ди Иису́с ученики́ Своя́ вле́зти в кора́бль и вари́ти Его́ на о́ном полу́, до́ндеже отпу́стит наро́ды. И отпусти́в наро́ды, взы́де на гору́ еди́н помоли́тися. По́зде же бы́вшу, еди́н бе ту. Кора́бль же бе посреде́ мо́ря вла́яся волна́ми, бе бо проти́вен ветр. В четве́ртую же стра́жу но́щи и́де к ним Иису́с, ходя́ по мо́рю. И ви́девше Его́ ученицы́ по мо́рю ходя́ща, смути́шася, глаго́люще, я́ко призра́к есть, и от стра́ха возопи́ша. А́бие же рече́ им Иису́с, глаго́ля: дерза́йте, Аз есмь, не бо́йтеся. Отвеща́в же Петр рече́: Го́споди, а́ще Ты еси́, повели́ ми приити́ к Тебе́ по вода́м. Он же рече́: прииди́. И изле́з из корабля́ Петр, хожда́ше по вода́м, приити́ ко Иису́сови. Ви́дя же ветр кре́пок, убоя́ся, и наче́н утопа́ти, возопи́, глаго́ля: Го́споди, спаси́ мя. И а́бие Иису́с просте́р ру́ку, ят его́ и глаго́ла ему́: малове́ре, почто́ усумне́лся еси́? И вле́зшема и́ма в кора́бль, преста́ ветр. Су́щии же в корабли́ прише́дше поклони́шася Ему́, глаго́люще: вои́стинну Бо́жий Сын еси́. И преше́дше приидо́ша в зе́млю Геннисаре́фскую.
